دخولس .و .جبحـثالتسجيلالأعضاءالمجموعاتالرئيسية
المنتدى منتداكم

شاطر | 
 

 حكاية البكوصة ديال حنان مع مول الطونوبيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
majda
مشرفة القسم اسلامي
مشرفة القسم اسلامي
avatar

انثى عدد الرسائل : 225
العمر : 27
الإقـــــــامة : casablanca
الحـــــالة : ...
العــــــمل : طالبة
تاريخ التسجيل : 06/04/2007

مُساهمةموضوع: حكاية البكوصة ديال حنان مع مول الطونوبيل   الأربعاء سبتمبر 19, 2007 6:50 am



[color=#000000]السلام عليكم أو مبروك عليكم هاذ رمضان يتعاد عليكم بالصحة أو الراحة ,اليوم بغيت نشارك معاكم في نادي القصص للمرة الثانية ,قررت نكتب بالدريجة حيت كرتاح فيها أكثر ,نبداو دابا


أنا حنان مسميني في الدريبة حنان الزوينة أو في lycée البكوصة ,من كنت صغيرة كان كولشي كيبغيني,كلشي كيتهل فيا ,كنت قبيحة كنت كنضرب صحاباتي أو خصوصا الخيبات ,كانت عندي حساسية منهم ,من كنت كنضرب شي وحدة منهم كانت كتجيب ليا ماماها ,أنا غير كتبان ليا ماماها جايا كنحميها للبكى,ماماها مكتلقى ما دير كتبوسني جوج بوسات أو كتسكتني ,أو كتشد هديك الخايبة ديال بنتها من شعرها كتعطيها جوج قرصات أو جوج دقات .أو منعودش ليكم على المدراسة في premièreكانوا الأساسدة في الطاولة اللولة كيجلسوني ,كنت كنزين القيسم كيف كانوا كيقولو ليا ,الدراري لي كانوا كيقراو معايا كانوا كيجيبوا ليا les cadeaux غير باش نضحك معاهم أو نلعب معاهم ,مساكن كنت كنضحك عليهم,

من بديت كنكبر بديت كنحس بجنابي ,لي بغا يهضر معايا خاصو rendez-vous حيت ماعندي وقت ,شحال من واحد بكى بين يدييا غير باش نخليه يمشي حدايا ,لكن أنا مكنيغيش حيت ماما معلمني كيف ندير للعز راسي ,من وصلت quatrième ,وليت كنشوف البنات لي معايا كيتصاحبو مع الدراري لي كبر منهم ,أو كيخرجو معاهم ,كاينة منهم لي كتاخد الفلوس ,كانوا ديما لاصقيني باش نمشي معاهم ,لكن أنا منطيحش حتى الداك المستوى ,أو حيت أنا عايقة بيهم أش كيديروا ,وخا أنا بوهاليا أو كنضحك 24 /24 لكن حاضيا راسي كنشوف أو كنضرب الطم ,

من دخلت lycée بزاف ديال الحوايج تغيرت فيا وليت باغا نلبس حوايج مكتلبسوش وليت منخرج حتى نتزوق قدام المرايا,أو الأهم وليت باغا نتعرف على الجنس الأخر ,أنا كنت عارف هذيك المرحلة لي كنمر منها أو حتا نتوما عارفينها adolescence ,ولات النظرة ديالي للشاب مختالفة على من قبل ,بالداريجة وليت باغة نتصاحب ,لكن السؤال هو شكون هادا لي كيستهلني ,وي عمر ليا راسي ,حيت منقدرش نتصاحب مع من والى ,نخاف نطيح في شي ولد الحرام لي ندمني ,باغا واحد ظريف إلا عجبني مع الأيام نتزوجو أو لا معجبنيش نضرب عليه أو نقلب على واحد خر ,

لكن كيما كيقولو الحب كيجي هاكا مكنخطوش ليه ,حيت واحد النهار مكان معليا ما بيا حتى شفتوا قدام باب lycée كان كيوصل صحبتو بطونوبيل ديالتو ,من شفتوا هباليت لا كنكدب هبلتني الطونوبيل ,بقيت النهار كامل أو أنا كنحلم براسي راكباها ,المهم عجبني هو أو عجبتني الطونوبيل المهم طرتو في راسي أو خاصني نتصاحب معاه,

[color:038f=#000000:038f]صاحبتو مكانتش زوينة ,لكن ماشي خايبة,لا الكدوب حرام ,كانت زوينة ,لكن متوصلنيش ,من كنت كنشوفو كنبد نتمشى بشوية أو نتحيلوة في المشية ,هاديك العفريتة ديال صحبتو عاقت بيا ,ولات غير كتشوفني قتلصق فيه,واحد المرة شفتو وانا نغمزو ,وهو يضحك معايا ,مشيت قدامو أو من دربت الدورة هو يتبعني ,من جا العندي ملقيت ما نقول ليه وانا نقول ليه كنبغيك ,مسكين تيقني,دوزنا وقيت زوين وحنا كندورو بالطونوبيل من القنت لقنت ,تمتعنا بالقهوي و restaurant ,كان عاجبني الحال ,واحد النهار حصلتنا صحبتو ,هو ينكرني قدامها قاليها مكنعرفهاش ,ناري ديك الساعة كنت باغا نقتلهم بجوج ,لكن ملقيتش ليهم الجهد,لقيت غير الدموع لي تبرد عليا ,يومين أو أنا كنبكي ,كان كيتاصل بيا أو كيعتاذر ,لكن أنا صافي لي باعني مرة بيدرهم نبيعو بلاش ,من جلست مع راسي لقيت راسي بصح حمقة كيفاش نبغي واحد حيت طونوبيلتو زوينة ,من كنت كنشوفو دايز كنضرب عليه أو ندوز ,أو واحد المرة لقيت الطونوبيل ديالتو واقفة حدى واحد الباب جبت البركار أو تقبت ليه البنو أو زت بحالاتي .
منقول

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
majda
مشرفة القسم اسلامي
مشرفة القسم اسلامي
avatar

انثى عدد الرسائل : 225
العمر : 27
الإقـــــــامة : casablanca
الحـــــالة : ...
العــــــمل : طالبة
تاريخ التسجيل : 06/04/2007

مُساهمةموضوع: رد: حكاية البكوصة ديال حنان مع مول الطونوبيل   الأربعاء سبتمبر 19, 2007 6:52 am

فصراحة انا معجبنيش هاد تصرف ديال هاذ البنت ونتم يا اعضاء المنتدى واش عجبكم هاد تصرفات ليكانت كدير ولالا؟ جوبوا بصراحة

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BENNIS
مشرف عام
مشرف عام
avatar

ذكر عدد الرسائل : 493
العمر : 27
الإقـــــــامة : MAROC
الحـــــالة : 3AZEB
العــــــمل : DISCOUR
تاريخ التسجيل : 17/04/2007

مُساهمةموضوع: رد: حكاية البكوصة ديال حنان مع مول الطونوبيل   الأربعاء سبتمبر 19, 2007 11:57 am

بصراحة معجبنيش تصرف ديالهى بانت ليا حاسة براسها حيت الجمال جمال القلب اوروح او العقل مشي جمال الوجه الله دار كل واحد فيه عيب وشكرا على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.telecharger.coolbb.net
المسري
مشرف عام
مشرف عام
avatar

ذكر عدد الرسائل : 412
العمر : 25
الإقـــــــامة : الدارالبيضاء
الحـــــالة : مراهق
العــــــمل : تلميد(مشاغب)
تاريخ التسجيل : 04/04/2007

مُساهمةموضوع: رد: حكاية البكوصة ديال حنان مع مول الطونوبيل   الأربعاء سبتمبر 19, 2007 2:26 pm

الصراحة بحال هدي علامن تنقلب lol! عنداكم بحال هدو لمتنديرش فيهم عقلي بحال هده السنة جاو معايا شي دريات واااااااااااااااااااااعرات زين هو الزين أو خاصني نتيح مع شي وحدة هدشي هير بناتنا الله استر هد رمضان موحال واش مقبول هير بداكشي وراه زيييييييييييييييييييييييييييييييييييييييين الخوت cyclops

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.khalid797.skyblog.com
BENNIS
مشرف عام
مشرف عام
avatar

ذكر عدد الرسائل : 493
العمر : 27
الإقـــــــامة : MAROC
الحـــــالة : 3AZEB
العــــــمل : DISCOUR
تاريخ التسجيل : 17/04/2007

مُساهمةموضوع: رد: حكاية البكوصة ديال حنان مع مول الطونوبيل   الأربعاء سبتمبر 19, 2007 7:12 pm

meziane a meseri
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.telecharger.coolbb.net
 
حكاية البكوصة ديال حنان مع مول الطونوبيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــديــــات الــــتــــحـــمـــيـــل :: القسم الادبي :: منتدى القصص و الحكايات-
انتقل الى: